| Mānts |
Stwi mes mazzimai waţātwei ezze wissan (be mukīntun si iz swajjans blandans). |
| Nērtiks |
Kawīdai pippelei padīnga Jūmans ukaspārtais be kasse paggan? |
| sebastijans |
as ter kwai waistun; ka ast stas wirds; mâim... asma skaitawuns en tekstans šai en Foru. |
| sebastijans |
aa, adder kasse pagan mâim, ikkai prusiskai; mennei ast?:) |
| Glabbis |
Kasse paggan? Nū ik wīrds ast, sta ast. Mazzi būtwei, stas wīrds pergūbi iz ainunkawīdan dialāktan. Stāi fōrmi "māim" biskin palīgu sanskritas fōrmei "mama". Sta dīgi zentli "mennei". |
| sebastijans |
aa labban. nimirei beilai prusiskai. |
| Glabbis |
Tū ni turri prūsiskan klawiatūrin. Tū mazzi segītun "lattawiskan" klawiatūrin be tērpautun stan kāigi "prūsiskan". |
| peteris92 |
Kāils wissai! As asma Pīteris be as asma naunus prūss. As buwinna en Krasnolaka, kāims pagār Sāldawan. As asma 17 mettan wūrs. Delli zinna men, prei perwaidīsnan Nērtiks.
As mukinna si en sirdan skūlin, en 2 klassin. As asma eninteressits en billins, sportans be geografijan.
Ebkāilisnas,
Pīteris. |
| Glabbis |
Kaīls wisāi, kaīls Pīteri.
Tū labbai peisāi prūsiskai, tēr biskin sen blāndans.
Adder sta ast kawīda Sāldawa? Ik stawīda en Sasnai, wōi, kāigi tāli tū buwinna ezze Sembai. Sta ast jāu Prūsas pakraksts.
Padīnga tebbei buwīntwei en kāimu? Ka stwen ast interessanti en ebzūrgiskwai? Ast pilligarbai, swintai stabāi?
As tēr ni papretta kasse paggan tū assei 17 mettans wūran, adder teinū tēr en 2 klassei.
|
| peteris92 |
Kāils, Glabbis.
As waida, kāi as segēi blandans, beggi as ni zinna prūsiskan labbai.
Adder as mīri, kāi Tū mazzi men izprestun.
As buwinna en stawidan Saldawan, ezze kawīdan Tu bilai. En Sasnan, ast ni tūls pawīstins ezze Prūsai. En Polin, en 17 mettan, wisāi ast en 2 klassei sirdas skullis.
Glabbis, bilais deiktan ezze Ten. |
| Glabbis |
Adder waīda tū - na Saldawas pillis deīktan bēi prūsiskas pilligarbs?
As ēst ni waīda ezze Sasnan, stesse paggan mennei interessanti kāigi stwen wissan bēi. Stwen ast Prūsas pussideiniskas arāiks. Brendu bēi stwen prūsamans, turri būtwei.
Kasse paggan tū pagaūwuns mukīntun prūsiskan? Kawīdans kittans billins tū waīda?
|
| peteris92 |
Pilligārbai bēi en kāimans: Narzym, Ksiezy Dwor, Grodki, mazzi būtwei en Pierlawki. En Sāldawan ni ast aupallusis.
As mukinna si prūsiskan, beggi as mīli stan regionin. Sta regioni ast prūsiska be mes turrimai mukintun si billin, beggi stwi ast Prūsai, ni Poli, ni Guddija.
As zinna engliskan, esperanto, as mukinna si miksiskan, en gruntiskan skūlin as asma mukiwuns si guddiskan. As wīrst mukiwuns si spaniskan, as delli asma mukiwuns si, adder teinū as ni turri kērdan. |
| Glabbis |
Tū spārts tikrōmiskai bilāi, kāi na prūsiskan zemmin prawerru bilītun prūsiskai.
Twāise deznā blānda kaddan tū kwaitēi bilītun "kwei", prawerru tērpautun dātiwan, adder ni akkuzatiwan, tīt turri būtwei - en Sāldawai, en kāimamans, en skūlai, en klassei, be t.t.
Adder tū labbai mūka esperantō? Esperantō be španiskan as pastippai ni mūka.
Turri tū tūlin zmūnei, sen kawīdans tū waitjāilai esperantiskai?
Ka ast guddiskan? Tū mīri - krēiwiskan anga maskōwitiskan?
Mennei dīgi padīnga geōgrafija, adder prūsiska geōgrafija. As wīda, kāi tū buwinna en labasmu deīktu, kwei ast tūlin ka interessanti. Turri tū automōbilin jātwei be padirītun ebzūrgiskwans, ka stwen ast teinū?
1) Prei Saldawan ast Kurkawa (teinū - Kurki). Waīda tū, kāi Kurka ast prūsiskas dēiws? Ik jātwei iz Kurkawan prei Saldawas appin, prei wūran tiltan, stwen sirzdau Kurkawan be Saldawas appin ast dwāi garbāi. Prei kāirai ezze pinti ast wurā kapurna, be biskin tālis prei tikrai ast wūras malūnas gārbs. Mazzi būtwei, na stans gārbans bēi ka nika interessanti.
2) Ik jātwei iz Saldawas pillin pa stan pintin, kawīds ēit prei twāise Šōnwizis kāiman, stwen izreizan en 1 - 2 km (kaddan dabber ni prajāja gelzāpintin) ast aīns aūkts gārbs, be biskin tālis ast kits aūkts gārbs. Stwen ni ast niaināi stabāi na gārbans?
3) Stwen kwēi ebtinka si 3 appis - Saldawa, Nīda be twāise Skallawa, stwen kwei ast "Mīstas meddin" dīgi ast garbāi. Stwen dīgi mazēi būtwei ka nika interessanti.
4) Prei Nīdenawan (teinū - Niedanowo) dīgi ast tūlin labāi garbāi.
5) Prei Preijāman (Prioma) ast "Trijjan Berzin" gārbs, en pussideinans stwen en meddju ast tūlin wurāi kapāi. Ni bēi tū stwen? Stwen arwiskai turri būtwei interessanti.
Ānkstais Saldawas appi bēi spārts plattu. As mīri stwen gūbi pussideiniskas Sasnas arāiks. Adder teinū stwen pelkis be kanallai.
|
| Glabbis |
6) Dabber interessanti, kāi na pilligarban, kawīds en pussideinans ezze Nīdershofu (Księży Dwór) ast ka nika beggi miksiskai ast bilītan Schwuraltar, s.a. klāntas upereīns.
Ni waīda tū ka stwen ast be kasse paggan tīt ast bilītan?
|
| peteris92 |
Tū waīda spartai tūlin ezze Sasnan, as nikwēigi ni asma mirīwuns ezze gārbans, kāigi ezze deīktans, kwei mazzi būtwei ka nika seitan sen Prūsans. Kaddan as wīrst turriwuns kērdan, as wīrst pajātuns stwen.
As bilā esperanto labbai, as zinna tulin zmunins, sen kawidans as asma peīsawuns esperantiskai. Teinū as peisai sen delli, prei perwaidīnsnan sen majjan ginnin (tenā) iz Brasilia. |
| peteris92 |
As ni turri pressenin, kasse paggan.
Lāiskai E. Sukertowa-Biedrawina mazzi pagalbtwei. As en panadilei wīrst gūbuns er bibliotekin. |
| Glabbis |
as ni papretta ka tū mīri, bilāntei "As ni turri pressenin, kasse paggan".
Kawīdan ast stas lāiskas? |
| peteris92 |
As ni zinna tītelans, adder as waīda, kāi tenā wirst peīsawusi ezze istorijan.
"As ni turri pressenin" ast kāigi "I have no idea" |
| Glabbis |
Izpretīngi, garbāi ast prūsiskan. Rikausnā ast kittan, adder garbāi kāigi bēi prūsiskan, tīt wisaddan ast prūsiskan. Tenēi pastāi sēitan sen wūrans gērbans, s.a. sen prūsiskan kultūrin.
Mazīngi laukītun ka ast en ebzūrgiskwai, beggi garbāi deznimai bēi swintan. Stan subban ezze stabbans. Lōgiskai, kāi stas "Klāntas upereīns" turri būtwei prūsiskan. Tīt dīgi "Trijjan Berzin" kapāi dīgi.
|
| peteris92 |
Zinna Tū prūsiskan ilgai? Kelli Prūsai ast en Sēmbai? |
| Glabbis |
As mīri, kāi as pagaūwuns skaitātun prūsiskai zūrgi 1997 m., staddan bēi 1000 mettans, kaddan ergalīnusis "swintanin" Wāitikan Adalbertan. En Pōlai staddan bēi debīka akciōni sen stan Adalbertan. Be as mīriwuns, kāi sta ast labban zentlin segītun labban anti-Adalbertiskan party sen prūsiskan billin be labban anti-katōliskan muzīkin. Be mes segēimai stan, entikriskai en Kunnegsgarbas sirdu, adder pa zemmei.
En Sembai prūsai, kawīdai bilīlai prūsiskai ast līkutan. Tūls ast prūsai naseīlai. Tīt tenēi bilāi prūsiskai tusnai.
|
| peteris92 |
Mīri Tū, kāi kadāi wirst būwušas tulin Prūsai stwi? Wirst gīwiwuns prūsiskan, stawīdiskai kāigi en "Scotland", "Wales"? Stwen billas gīwa etkūmps. |
| krieger |
Kaīls wissai.
Nū kāigi labban kāi Tū peisāi stwi, Pīteris.
Ilgai Tū mukinna prūsiskan? Kāigi ēit en Pōlei?
Bēi Tū en Alnāsteinei?
Tebbei mazīngi prawerru studītwei en uniwersitātei dīwai, jā? Tū jāu mirīwuns ezze swāise fakultētan? |
| peteris92 |
Kaīls Krieger. As mukinna prūsiskan ezze zallawu, adder as ni mukinna si tūlin. As peīsai tūlin waīstins be tīt as mukinna si. En Põlei ast enwārgsenis. As ni bēi en Alnāstenei.
As kwei studītwei en Alnāstenei - ēngliskan filologijan. |
| Glabbis |
Kāigi interessanti, kāi tū, Pīteri, kwāi studītun ēngliskan en Alnāsteinis uniwersitātei. Mazzi būtwei pirzdau 3 - 4 mettans as aīnat stwen bēi, beggi ainā Kunnegsgarbas uniwersitātis profesōrini prasīwusi mennei weztun tennan stwen en Alnāsteinas uniwersitātin. Tenā skaitāwusi lakciōnins per ēngliskas billas studēntans. Be tīt as bēi stwen spārts deznimai - eraīnan sawaītin.
Subba uniwersitāti (kwēi fililōgija be istōrija) stwen ast spārts mōderniskan, pastippai stiklaīnan. Mennei ni padīnga. Stwen ast spārts garawīngi en wassaran be en daggan. Adder subban uniwersitātis mistīkan en Kurtawai ast wūran. Stwen ast labban. Dīgi mennei padīnga stwen neikaūtwei. Nitāli stwen tēnka Alnas appi be ast pilligarbs na Alnas krāntan. Spārts grazzu dirītun en Alnas līndan. Be subba Alnāsteini pastāi widātan tāli.
Mīri as, kāi kadāi wirst būwusis tulin Prūsai stwi? Sta ast brendus prasīsenis. As ni waīda kāigi istōriskai bēi situaciōni en Šōtlandu be Welsu, adder as mīri, kāi en 20-30 mettans mes wīrstmai turīwusis mikrō wālstin.
|
| krieger |
Pīteri,
Enwārgsenis? Kawīds?
Interessanti kasse pagan tebbei interessanti ēngliskan filolōgijan? Mennei padīnga Beowulfan iz wūran literatūrin. Be padīnga rōmantism (kāigi Wordsworth, Coleridge (šlāitewingi 'The Rime of the Ancient Mariner' — Pōeman ezze prawūran jūrinikan)) be prerafaelītans.
As minijja lakciōnin ezze wūkiskan (gothic language). Mennei perwaidinna si wūran ēngliskan ast interessantis nikāi tēntiskas.
Adder kasse paggan tebbei padīnga španiskan? Waīda tū tūlin ezze tenēisan tradiciōnins anga literatūrin? Ni waīda tū ezze katalāniskan (catalan language)? |
| peteris92 |
Jā, stwi ast "flu" (eng.) Tūlin zmunei jāu sīrgga na stan enwārgsenin.
As mīli billins, ēngliskai ast majjan milītasis, adder as skaitāi ni brenduns lāiskans, as ni zinna ēngliskan tīt labbai, kāi mazītwei skaitātun en wūran ēngliskan. As terpaui billin dīgi en Internettu.
As zinna muzikāntins, kawidans gremja en wūkiskan - Eluveitie, tenei ast spartai labāi.
En španisku as padīnga "melodijan". Spartai grazza bīla, adder as ni turri kērdan, kāi mukintun si stan.
Teinū as wirst būwuns spartai ensegītan, beggi as pagaūne per Radio Dzialdowo, kawidan ast internettiskan. Akīwistai, as ni gaūwa penningāi per stan dīlin. |
| Glabbis |
En Kunnegsgarbas uniwersitātei as bēi peisāwuns diplōman pa Kōlridžas "Pōeman ezze prawūran jūrinikan". Jā, jā, sta ast spārts labā pawīstis. Waīdawas, chalucinaciōnis.
Pīteri, ka tū wīrst segīwuns nō stan radio? Bilītun? Turri swāise radiotengīnsnan (program)?
As mīri, kāi grippi ast tūls reklāmiska akciōni, kāi būlai mazīngi perdātun "wakcinans".
|
| peteris92 |
Jā, as turri majse tengīnsnans. As wirst billiwuns ezze sportans be kittans pawīstins majāses mūteris. As wirst segiwuns dīgi "interviews" sen šlaitawidans zmūnins. |
| Glabbis |
Būlai labban ik tū mazīlai turītun nidebīkan tengīnsnan ezze prūsans, ezze prūsiskan kultūrin en Sasnai. Tīt tū subs wīrst waīduns tūlin ka interessanti ka ast prūsiskan en twāise mūterei. |
| krieger |
Mennei dīgi perwaidinna si ka stan grippin ast gezēirans.
Pīteri, nū as dīgi ni skaitāi wuraēngliskai. As skaitāwuns tulkausnan. Ni skaitāwuns tū? Ka tebbei padīnga iz ēngliskan literatūrin?
Ik tū mukinna si prūsiskan, staddan mazibūt tebbei interessi ni tīt prūsiskan, adder kittans bāltiskans billans?
Jā, būlai niwārgan ik tū gērblai ka nika ezze prūsans.
Glabbi, ō! Kāigi interessanti. As īr ni waīda ka mazīngi papeisātun ezze Kōlridžas pōeman. Wis ast ni ainapresliskan. |
| peteris92 |
krieger, as jāu izpresta. As en rēizans skaitāi en ēngliskan, teinū as skaitāi Tanya Landman- "Apache". En ēngliskan literatūrin as mīli Shakespeare, adder as skaitāi tenesse lāiskans en poliskan. |
| Glabbis |
Pīteri, tū nika ni etrāi ka tū mīri ezze radio - arwiskai, būlai labban ik tū bilīlai stwen ni tēr ezze spōrtan, adder dīgi ezze kultūrin: mazīngi spārts kōrektiskai gērbautun zmūnimans ka stwen en jūse Saldawas mūterei ast prūsiskan be empīriniskai biskin ezze prūsans. Sta mazīngi turītun kāigi tēr līkutan radiotengīnsas delīkan, prei perwaidīnsnan, zūrgi 5 - 10 minūtins en sawaītin.
Ezze Kōlridžas pōeman, jā, stwen as papeisāwuns spārts retawīngin dīlin, adder sta bēi jāu wūrai. Stwen as palīginuns stan Kōlridžas pōeman sen Dēiwidas Tibettas "of ruin or some blazing star". Mennei perwaidinnas, kāi abbas pōemas ast ezze stan subban anga ezze palīgins pawīstins. Kāigi zmūi laukijja swāise "as", tāns ēit gilluis be gilluis, en kittans swītans, aulaūwa per wissans be tēr panzdau mazzi etkūmps etskītwei.
Jā, sta ast retawīngi simbōlin - ergalīntun gaīlin pippelin. As supnaūwa tūlin rēizans stawīdans supnans. As turēi ilgan pēilin be pjāwuns be pjāwuns be pjāwuns gaīlins pippelins. Adder sta nikāigi ni pastāi sēitan sen Kōlridžas pōeman.
|
| peteris92 |
Glabbi, as asma mīriwuns ezze stan, adder zmūnei ni ast eninteresantai en prūsiskan kultūrin. Sta ast radio per māldans, tenēi ni mīli istorijan... |
| Nx |
Kaīls!
Stwi Tu assei Pīteris, as jāu mirīwuns, kasse paggan Tū nika ni peisāi en pōliskasmu fōru prūsiskai.
Ik Tu assei šisse radias drāugiteinānts, Ty turri endilīsnan na prōgraman. As mīri kāi ni per tūls, adder prawerru biskin bilītwei ezze lōkalins pilisgarbans, azzarans, baltiskan mitolōgijan, prūsiskan billin. Per simtan zmūnins sta ni wīrst būwus interessanti, adder per aīnan wīrst būwus, be tēr tenesse paggan ast sta wērtai segītun.
Pirzdau dwāi mettans as peisāi prūšiskai artikkelins en lōkalin awīzin eraīnan sawaītin. Grāudu, aīnan rēizan as asma peisāwuns ka nika ezze bāukin Adalbertan be sta ni padīngus ainuntsmu nōseilaniku - awīzi jāu ni kwaitēi kāi as peisālai. Tebbei dīgi ni prawerru bilītwei stwen per spārtans pawīstins, perwaidīnsnai kāi stwi ast Prūsa ni Pōli. Wālnan kāi zmūnei Tebbei dīnku waitjālai tīt en buttamans, nikāi kāi Tū turīlai wangīntun swāise audiciōnins. |
| peteris92 |
As wirst mīriwuns ezze stan. Kaddai as wirst buwuns ilgais, as wirst bandāwuns. |