| Nērtiks |
Peisāis ezze wissans muzīkis gruppins, kwās grimma ēn prūsisku.
As waīda ezze:
Kulgrinda - Prusu Giesmes
Romowe Rikoito - Assei widāwuns āustras swāikstan (tēr aīna grīmika)
Ka waīda ka nika tūls? |
| Glabbis |
Dabber as waīda, kāi lattawiska gruppi "Skandinieki" ka nika segīwuns prūsiskai, adder as ni waīda - ka. Tēr en kintupu "Dykra" stwen tenēi bilāi prūsiskai biskin.
Dabber en Lattawai bēi gruppi "Rasa", tenēi grīmusis prūsiskai biskin, adder tenēi ni turēi enpeisāsenins. Sta ast spārts grāudu. Be teinū tenēisan wediks - Walds Muktupawels, dīgi tērpaui prūsiskan en rēizans. Niwūrai tāns enpeisāwuns oratōrijan, kwēi ainā grīma bēi prūsiskai. Nū, stwen tāns turri mōderniskan pratan, kāi Rōmas Papsts Wāitils bēi Kriwwis.
Nū dabber, nūse prūsiskas billas kuratōrs Widtauts turri swāise prōjaktan "Lauksna Lauksna". Stwen dīgi ast di prūsiska bilā.
Nū dīgi "Notanga" grīmusi nūse "Prūsiskan Grīman". |
| Glabbis |
Kasse paggan:"spartai"?
Prawerru "debīkan": DEBĪKAN DĪNKUN! |
| Nērtiks |
Debīkan dīnkun pēr šin informacjōnin :)
Dīgi labbai: "debīka dīnka" ? |
| Trinolds |
faktiskai šis prasīsenis mennei ilgai sinda en kaulans - ka ast sen muzikin... kas be ka gremja prūsiskai be kāigi stan mazingi entengītun...
nu as kanika en reizans pagremja, nu adder sta pēr sin ast... adder kitāi? šis "toppiks" turri būtwei ebnawintai, beggi tūlin kerdā pragūbusi... |
| Glabbis |
Būlai labban, ik tū subs bandālai tikīntun muzīkin. |
| Trinolds |
As teinū etkūmps pagauwa ensegītun si sen muzīkin. As turēi spārts debīkan persōniskwas krīzin, kawīdan ebwarīwuns, aupalluns ka naikinna maise mazingisku kanika reālan segītun - stan naikinnuns, be teinū asma etwārtai stawīdan, kawīdan as turri būtwei be bēi, dabber walnais nikāi bēi. Dirēi jau ka mazīlai segītun, adder ni mīri kai ast preslē trisdesimt pirman reizin engremtwei "Prūsa, tū sestrīka" anga kanika stawīdan... sta ni ast prōgress, sta ast glaudā ezze prōgressan... As teinū dīlai sen stan grīman kawīdan as en supnan gāuwuns..., faktiskai sta mennei bēi iz dēiwans dātan, beggi teinū tēr papretta stan wissan preslin, be kāigi sta ēit empīri sen wissan ka prēipalla bē māise pintin etwārtai iz nikawīdiskwan, kwēi as bēi enplūwuns en panzdaumans dwāi mettans... Sta grīma kawīdan as supnauwuns reālai gattawinnusi men per spārts brendu prōcessans pra kawīdans as turēi izēitwei, stesse paggan sta turri būtwei pīrman ka as wīrst segīwuns ērgi wangan... Grāudu adder entikriskai teinū as nika ni mazzi pagremtwei, enwārguns. |