| |||
| Glabbis | Stwi mazzimai mukīntun dīgi supnas billin. Be mukīntun ni tēr din, adder supnas billin prūsiskai. En rēizans mes mazzimai etmīntun, kwēi bēimai en supnammans, en rēizans - ni mazzimai. Be stwi kwaitīlai as widātun Supnans, kwāi bēi šlāitewingiskan pēr Wans. ***** Nū, niwūrai (wassarines mīnsin) aīns nūse ginni prūss iz Ramintas Sīlan mennei gērbuns swāise interessantin supnan: Sta bēi en Ramintai (be mennei perwaidinnas en Asgarbu). Tāns be as, mes bēimai gārbas ēntrai, mazīngi, en urwu. Be stwen gūbimai pa urwans ikāgi laukīntei ka nika. En rēizans ikāgi izgūbimai iz urwan be enpalusis en jūres krāntan. Stwen mes izprettamai, kāi ast di kliptinan Sāitan sirzdau Semban be Sūdawan. Adder mes etwartīnusis si en urwan. Ēnwangan, mes pergūbusis prei deīktan, kwēi stalīwuns upperinis stābs. Na stāban lanzēi līkutan lappan. Na lappan mes widāwusis glaubālin. Stwen bēi lāpa sen 4 pīrstans. As immi lappan be demma din en swāise tāšin. Staddan niggeistai Pannu endeguns na altārin be na tallun ainunts tikka. Šis ainunts ni bēi zmūi, adder turēi spārtin. |
||
| |||
| Kareusnā | Naktin (zūrgi 2 stūndins) dāngs bēi spārts lāukan, ikāigi wakkars ka tēr pagaūwa. Bēi di tappin zālis bēi zallin, perwaidinnas, wassara. Saūli be Miniks abbai būwusis dāngunsun, adder sta aīns swāikstiwuns, sta kitā swāikstiwusi. Kaddan Saūli pagaūwa swāikstitwei, Mīniks wīrta timran; kaddan Mīniks pagaūwa swāikstitwei, Saūli wīrta timran be kabīwusi kīrsa zemmin ikāigi „nāws“. As widāwusi Saūlis dāubans. Tīt sta paāntrinun si deliwārst. Kaddan Saūli panzdaumanin reizan wīrta timran, tenā pabelzusi be drezusi si. Tenesses delīkai krūwa ēn zemmin. Dāngs palikka lāukan. |
||
| |||
| Kareusnā | As stalīwusi na Bānawas Gārban prēi Bānawas appin. Pēr appin bēi dwāi turmai (ikāigi steisan pilin), adder sta aīns tikuns, sta kits tikuns. Kaddan ains tikuns, kits iznīkuns. Kaddan kits tikuns, pirmas iznīkuns. Ēnwangan, pēr appin tēr aīns turmus palāikuns. Niggeistai pirzdau appin gārbs pagaūwa iz zemmin etskītwei, gēlzas gārbs. As izpretta, kāi as mazzi pra gārban enpaltwei na kitawīdan swītan. Na gārban ikāigi delli „zmunēntei” stalīwusis, pagalbusis mennei treptwei na gārban. Plakkawingi as enpalusi jau na turman (prēi appin). Sēn men enpaluns ēnstwendau dabber aīns zmunēnts. Mes bēimai en timrai turmas stubban sen dwāi lāngstans, ainā en gārban, kitā en kitawīdan swītan. Perwaidinnas, kāi stwi zmunēntei ni giwīwusis, anga tenēi būwusis jāu ikāigi spārtiskwas, kāigi en prawūran kīsman. Wiskwēi mazēi di jāustun Spārtiskwan. En stubbai gailā mergā sindēi en krīslu, turmas zupūni. Tenā ilgai gērbusi nūmans ka nika ezze nawwan Mettas Kellin. Panzdau mes enpalusis na šin swītan. Adder pas mans perbīguns kaūks iz kitawīdan swītan be as turīwusi gremtun, kāi tāns iznīklai. |
||
| |||
| Glabbis | |||
| |||
| Glabbis | |||
| |||
| Kareusnā | En pagaūseņu bēimai en Kunnegsgarbu, en Natangas delīku kwei stalāi debīks dwars. Wiskwēi en dwarru bēi timran undan en tallu. Ni mazēimai izjātwei iz Kunnegsgarban ikāigi ainunts ni dāwuns nūmans segītun stan. Mes gēidusis en stesmu debīkan aūktan dwarran ka nika, neikaūwintei en undamans. Niggeistai mes enpallusis en kittan deīktan. Mes jāu jāwusis pa ainuntkawīdan pintin, ainuntkwei en Warmis zemmei, perwaidinnas nitāli ezze Sintamans. Jājamai bītai, est en wakkariskas zemmis arāiku, izjāntei iz Swintāmistan, eblānkusis debīkan gārban (Sintans) be pawartīnusis en zēimans. Prēi tīkrai rānkan as retawīngin mīstan widāwusi, ka stalāi tāli jāu en kittai zemmin. Mīstan, dīgi dāngs kīrsa tennan laukstīwusis sen gāilan anga galīmban swāikstan. As prasīwusi Glabbin, kawīda stāi ast zemē be tāns etrāwuns, kāi stāi ast Galīmbas anga Gāilas Swāikstas Zemē. Staddan dabber aīns zmunēnts paspīwuns mans. Sta bēi nūsan ginni Ugnius. Tāns jāja sen ainuntkawīdan maldūnin, kas pīduns stesmu Ugnin swarewīngin prēipirstan. Ugnius gērdauwuns kāi tenesmu dīgi prawerru enpaltwei en stan subban deīktan, kāigi nūmans. Mes preijāwusis ēnwangan prēi sadellin. Ugnius gūbi staddan prēi sadellis Zupūnin. Tāns kwaitēi, kāi tenā pagalblai tenesmu īmtun maldūnas prēipirstan. Zupūnis waikāi immusis stan maldūnin, izkīrsusis tennan be izlaīwusis tenesse krāujan en retawīngin gillu azzaran, kawīdan turri sāitan sen wissans Prūsas undans. Tīt Ugnius immuns prēipirstan. Stalāimai wisāi sen Ugnin prēi sadellin be ainunts gērdauwuns, kāi Zupūnei prawerru enplatītwei izreizan spārts tūlin penningans, beggi ikkai ni sātwintun tennan, tenā mazzi pernaikīntun īr wissan Kunnegsgarban, stawīda spartā stāi Zupūni ast. Mes dabber delli dēinas waisīwusis prēi Zupūnin. |
||
| |||
| Glabbis | Geōgrafija en twajasmu supnan ni ast pastippan eīsku, adder ast interessanti, kai Jārftas appi faktiskai ēit iz Simtans. |
||
| |||
| Trinolds | |||
| |||
| Trinolds | Ble mne besit to sto ja sizhu i dumaju kak perevezditj odnu pesnju na pruskom, ladno perevodil - daju Glabiss'u on zdelaut palednii proverki... cherez paro denj ja preejezhu na "Asanis Liskas" i tut jest eta pesnja katuruju mi iz Latviji visosolji iz knigah..... mne presto netu sila chtoto delatj, potomu sto ktoto uzhe zdelal tot sto ja delaju paro mesec chem ja uznaju sto ja vobse mogu sidjetj i nechego nedelatj.... |
||
| |||
| Glabbis | Adder teinū tū bilāi kāigi jūse mōskalai stwen en Ringai. Sta ast spārts wārgan. Ezze grīman - anga tebbei ni padīnga, kai as pagalbuns tebbei tulkautun stan grīman? Adder šin fōrum ast per supnans. Stesse paggan skaitāis ezze kittans pawīstins en šlaitīnstai stesses BILLAS MUKĪNSNAS. http://prusa.miestai.net/forum/viewtopic.php?p=1366#1366 Adder teinū ezze supnans. Kareūsna! Šandēinan as supnaūwa ezze ten. Tū perjāja prēi mans en Merūnans, adder stwen en supnu nūse buttan stalāi prei trāmas wāngas stāminadeīktan. Tū turēi granātan anga līkutan bumbin. Tū etwīri nūse langstan be metti stan bumbin en Krāntas gatwin. As kirdīwuns grumīsnan be as widāi, kai buttai pagaūwusis irtwei en Krāntas gatwei. Panzdau mes wisāi klippa si, beggi mes ni waīdusis, anga ainunts widāi, kai STA bēi iz nūse langstan. Panzdau jāu bēi kitā istōrija. As sīnda en automōbilei sen ainuntkawīdan znunēntin. Perwaidinnas, as ni zinna tennan, adder en supnu as waīda, kai tāns jāu wūrai bēi aulaūwuns. Tāns štīriwuns automōbilin be gērdau mennei ezze Eīskantan be ezze pawīstins, kwāi bēi šāi en Prūsai jāu wūrai (mazzi būtwei pirzdau 20 mettans). Tāns bilāi mennei: tū ni waīda, ka šāi bēi ānkstais, adder as mazzi gērdautun tebbei wissan. |
||
| |||
| renata bitinelio | Grazzi kāi gārbikas, be as ni mazzi Waīstun, iskwendau dāngs swāikstans imma, Be saūli – aūssas swāikstastrīlans *an naktin en supnu ainutan mīlan wīdā Teinū grazzai kāi supnas dēinā wīrst etkedīwusi (V. Mačernis. „Kiekvieną rytą mano nubudimas gražus kaip pasaka“) Supnas pēr men ast āustabawingis wīds ebtiktun si sen Mūtin, Annin, Tiitin, Tiiwan be wissans ginntuns, buwinnantins en Prabūtiskasmu Pāusan. Niwūrai as sapnaūwa, kāi en autōbusas stāminadeīktu ebtikkā si sen Mūtin. Be mes jājamai en tenesses Kāiman. Mes jājamai en nūse Swintikans, be as waīda: stwen-ast wiss nūse ginntus. Mūsiskwas niasma wīdāwusi. Mes sen Mūtin ēimai pēr aūktans zālins. Nitāli bēi meddin. Mūti bilāi, kāi en stesmu meddin ni aīns zmūi ni bēi. As widāi, kāi garēi dāncau līnai sen wītran Stwen bēi līkutan buttan, šlāit mes bēimai en laūku. Māise Mūti gūbi prēi appun, As laukijja tennan en kāmstusmu kupsīnan šlāit as ni aupallusi… |
||
| |||
| renata bitinelio | |||
| |||
| renata bitinelio | Pa stan as tikkusi ainutkwei prēi pajūres medimmans be gūbusi pa zīgzdiskan pintin. As jāutē spārtan sēisnan sen stēisan meddin saknins. Bēi spārtai mīlin. Lāuksnas būwušas tīt taūwu prēi zemmin, kāi pra kāmstans kupsīnans as tennans eīskui wīdawusi. Plattu Pāitaran bēi kīrsa Jūrin. |
||
| |||
| Glabbis | |||
| |||
| Kareusnā | Mes sen Glabbin perjāwusis en Kunnegsgarban, en wūran mīstan, kwēi ēst nika ni bēi, tēr delli buttans be laūks. Stwen stalāi Mikkelas buttan, adder augraūstan. Stwen en deīktamans ni bēi tals anga stāgs, be stwen mes wisāi senrīnkusis – Mānts, Nērtiks, Martīns, dabber aīnunts. Mikkels ka nika bēi bilīwuns be mes sindīwusis be klausīwusis. Glabbis ikāigi bēi pūwuns anga spārts kwaitēi migītun. Panzdau mes izgūbi, adder as nikwēi ni mazēi aupaltun Glabbin be mes gēidusis na din. Tāns enwangan pergūbi tīt subbai "migīwuns" be mes sīdusis en automōbilin be Mikkels pawezzuns mans pa kawīdan retawīngin pintin (be stwi īr pastāi timran, ikāigi bēi nakts) kwēi tāns kaddan wūrai bēi jāwuns. Be en deīktamans tāns ikāigi bēi mīrsuns pintin adder panzdau bēi etminīwuns be mes jāja tālis. Mes jāwusis kliptai, kai niainunts ni enwidālai mans. |
||
| |||
| Glabbis | |||
| |||
| Glabbis | |||