| Nērtiks |
Stwi ast delli auīmsenin, segītan en Paski swintikans ēn Skīstu ēn Galīndai:
http://prusa.strefa.pl/nertiks/papaausai/welykos.html |
| Nērtiks |
Labban, adder kāi prawerru būtei prūsiskai "Velykos" ? |
| Glabbis |
Nū, mazīngi ikkai tērpautun "Wilīdeina", be panzdau wīrstmai padirīwusis. |
| Nērtiks |
Wilīdeina ast dēina stēisan wilin. Kalsāi pēr empīriniskai be mazzi kurtītwei sēn Wīlinis. Mazīngi walnan Wassariska Wilīdeina? |
| Nērtiks |
Swarewīngis prasīsenis - kāi bilāi si prūsiskai deīktan, kwēi wīrst būwuns wilis pra ripīntan mettas pussin? |
| Lantan |
Tū jāu swintinā Wilīdeinu? Adder Wilīdeina wīrst būwusi tēr ankstāinan. |
| Nērtiks |
Wilīdeina prawerru būtwei ēn wassariskan pīrman pilnan mīnikan. Nadīli ast tēr kriksţāniska aušaūli. |
| Glabbis |
Nērtike! I see you stopped checking spelling in dictionarry at all. It is too early. You started writing with so many mistakes everywhere.
"Wilīdeina ast dēina stēisan wilin"
- Deinā stēisan wīlin!
"Kalsāi pēr empīriniskai be mazzi kurtītwei sēn Wīlinis. Mazīngi walnan Wassariska Wilīdeina?"
- Wilinnis!
Wilīdeina ast pat īr wassaras Wilinnis.
Kitā astis, kāi mazibūt nūmans prawerru tērpautun tūlagirbausnan - "wilīdeinas", kāigi laītawiskai be lattawiskai, beggi sta ast stēisan 3 sawaītin kērdasetrapan.
''Swarewīngis prasīsenis - kāi bilāi si prūsiskai deīktan, kwēi wīrst būwuns wilis pra ripīntan mettas pussin? "
Tū mīri ezze daggan?
Wīlis buwīna na gelzas gārban. Ast stawīds gerbsenis "Kaūlis wūriks na gelzas gārban". Stwen mazīngi waīstun ezze šin deīktan.
"Wilīdeina prawerru būtwei ēn wassariskan pīrman pilnan mīnikan. Nadīli ast tēr kriksţāniska aušaūli"
Kāigi tū izpretta, kāi sta ast aušaūli? As subs dabber ni waīda, kaddan entikriskai zmūnei swintinnusis šans swintikans en prawūriskwai. Jā, baltai turēi tēr 5 dēinas sawaītin. Adder mazibūt pēntniks bēi kāigi teinū - swinta deinā. Sta prawerru dabber enlaukītun. |
| Glabbis |
Paski ast tēr per kriksţāniskans swintikans.
Sta būlai gezēiras bilītun, kāi tū sen swāise ginnins turēi "paskin" prei appin!
Prawerru ēitwei en kirkin be madlitun stwen! |
| Mānts |
GlabbisPaski ast tēr per kriksţāniskans swintikans.
Sta būlai gezēiras bilītun, kāi tū sen swāise ginnins turēi "paskin" prei appin!
Prawerru ēitwei en kirkin be madlitun stwen!
Mmm, as patikriwuns pabilīsnan, kaddan Letas pertengīwuns nawwans wīrdans. As ni waīdawuns, kāi Paski ast tikriskai kriksţāniskai swintikai. |
| Glabbis |
"Paski" ast jūdiskas wīrds be tāns ast ezze prawaslawamans. Tāns ni ast tradiciōniskas baltiskas wīrds, stesse paggan mes ni mazzimai tērpautun din per tradiciōniskans Wiliīdeinas swintikans, adder, izpretīngi, prūsai "katalikai" be "prawaslawai" (ik stawīdai ast) mazzi tērpautun din per swāise nitradiciōniskans krisţāniskans kīrkis swintikans. |
| Mānts |
Eīsku, spārts dīnkun per izeīskinsnan. |