| Glabbis |
14 zallawas ast swinta deinā per wissans prūsans.
Sta ast Kluššas Gīmsenes Deinā. Mikkels ast nūse Mukinnewis, šlāits kan ni būlai nūse Prūsiskas Etgīmsenes.
Ebkaīlinimai be kwaitēimai Mikkelu tūlin spārtin, drūktan kailūstiskwan, dēiwadeiwūtiskwan, lāiman be darnan!
As waīda, kāi rēizan mes wisāi wīrst gīwusis en swāise Prūsas wālstei sen swāise prūsiskan bīlin, kultūrin be as kwaitēi, kāi Mikkels widālai sta wissan sen swāise akkins be kāi tenesse debban Dīlin šlūzilai zmūnimans, prūsamans.
Kwaitēimai Tenesmu segītun dabber tūlin labbas be debbas! |
| Mānts |
Ebkaīlisenei dīgi ir ezze mennei! |
| Waidawutis Mants |
Kails! Ezze Klusses Gimsenes Deina, sta ast sparts labban! |
| Glabbis |
jā, adder sallaws ni ast zallaws |
| Glabbis |
šandēinan etkūmps ast swinta deinā beggi sta ast Kluššas gīmsenes deinā! Ik ni turīlimai Mikkelin, teinū niaīnunts ni bilīlai prūsiskai! Dīnkun Tebbei, Mikkels, kāi tū mazēi segītun stan swintan dīlin. Īr ik šandēinan nūse bilā dabber ni ast tīt izwanginewīngi, tenā ast jāu gīwan be jāu ni mazzi wīrstwei tusīngi (niaīnunts jāu ni mazzi stalīntun mans!). Be as kwaitēi Tebbei widātun tūlin prūsans, bilāntins prūsiskai.
As kwaitēi Tebbei izpalewīngei perlazīntun wissans swāise lāiskans ezze prūsiskan (būtewingi - prūsiskan wirdeīnan stēisan 100 000 wīrdan be rōmanan ezze prūsans!).
Dīgi izpretīngi, drūktan kailūstiskwan Tebbei, lāiman, deiwūtiskwan, ilgan gīwatan be tūlins spārtins!
Kāigi as jāu gērdau, mes ēmpiri sen Eīskantan, jāu wūrai prettamai, kāi kaddan Kunnegsgarbs jāu wīrst būwus Nūse, staddan stas placcis pagār gelzāpintisdwaran (stwen kwei teinū Kalīnins) būtewingi wīrst būwus - Palmaītes Placcis. Be teinū as dabber kwaitīlai mīritwei kwei dabber būlai Kluššas gatwi en Kunnegsgarbu. Nū, as mīri, sta būlai ainuntkwei stwi en Merūnamans, kwei as buwinna.
Ebkaīlinimai! Giwīsei Mikkels! |
| Glabbis |
- Dīnku Glabbju, kas publicīwuns pēr men ebkaīlinsenin, dīgi Nērtiku, kas pertenginnuns ebkaīlinsenin sen SMS, be wisēimans, kwāi sendrāugai ēimai ēmpirsin prei prūsiskan etskīsnan! šlāit Wans māise dilāi būlai pāustan, beggi bilā ast kōmunikaciōnis pawīsts, ni ainuntse barikkas hobby. As dīnkaui Jūmans wisēimans, kai Jūs astei!
Jūss Mikkels -
PS Pēr men būlai walnan gatwi ni en Kunnegsgarbu, kwei turri būtwei istōriskai emnei, adder en Nochčjo. Ukawalnan adder ast gatwi en dāngu. |
| Glabbis |
nū, "hip hip" ast spārts prūsiskai...
As dīgi mīri, kāi en Kunnegsgarbu turri būtwei istōriskai emnei, adder as ni waīda – mennei perwaidinnas, kāi nimazīngi turītun stans wissans emnins, kwāi bēi pirzdau kareūsnan. Prei perwaidīnsnan, Palmaītes Placcis bēi ānkstais – "Ost Reich" anga ka nika palīgu. Adder kawīds stwen ast per ost reich? Mikkels, tū subs ast prīki rīkin, prīki wissan impēriskan.
Stesse paggan as mīri, kāi tūlin istōriskai emnei turri būtwei, adder ni wisāi.
Prēi kitan, mes turrimai turītun gatwins sen emnins stēisan prūsiskan erōjan.
As ni waīda kwei ast stan Nochčjo. |
| Glabbis |
Līpas 5 dēinan stesse 1928 m. gīmuns W. Toporōws. Mazzi būtwei, ik tāns ni pagaūwuns dīlatwei sen baltistikan, teinū mes ni turīlimai swāise billin, tīt dīgi tūlin ka ezze baltiskan kultūrin. Tāns jāu augūbi. Be interessanti mīritwei ezze stan, kwei mazzi būtwei tenesse dāusas. Zmūi, kawīds tīt tūlin segīwuns per prūsans, pa swāise auēisenin mazīlai izjātwei en stan arwinin Prūsan. Be stāi Prūsa ast ainuntkwei stwi, spārts taūwu. Tāns buwinna stwi. Mazzi būtwei, sta ast mazīngi kwei stan deīktan ast en nūse arwiskwai. Prawerru madlītun, kāi tāns teinū iz stan pāusan, iz stan tāutan, pagalblai nūmans stwi segītun nūse Dīlin tālis. Stwen, kwei Tāns teinū, baltiska kultūra be bilā wis dabber, turri būtwei, ast skīstan, archāiskan. Sta ast swinta bilā stēisan dēiwan.
Jā, tīt turri būtwei: Tū dīlai en stesmu swītu, pastippan swāise gīwatan, Tū mīri ezze stan kultūrun, etteikāi billin, swintans waīsnans. Panzdau Tū izjāsei Ēnstwendau be Stwen Tū wīda wissan ezze ka Tū mīriwuns. Stwen wissan ast be bēi wisaddan. Madlimai pagalbtun nūmans stwi be Istwendau dātun nūmans stans swintans Waīsnans.
Ik prūsai dabber ni ast tūlin stwi, perjāsei tenēi Istwendau prēi mans ēmpiri sen Toporōwan etkūmps!
|