2006.10.15 10:07 | Assanis Liskas TikrintunCitātun

Glabbis

20 - 22 spallinan (uktōberin) st. 2006 wīrst būwus PRŪSISKAN WĀITIN/Assanis Liskas na Jātawas arāikan Deīktan: en Nīmenas kalpenei en pusideināwakarāmans ezze Birštōnu, kāims Martinōnei (Martinonys), Laītawa http://www.maps.lt/mapslt/redirect.asp?l=1 (prawerru stwen peisātun "Martinonys") En lisku: prūsiskas billas mukīnsna be praksi; prūsiskas grīmas prei panniskan; Birštōnas, Alītus, Prēinan kāimalukisnā be neikaūsnas en zūrgiskwans Ezze pintegan en liskan mazīngi telafōnitwei: +370 650 81648

2006.10.15 13:11 TikrintunCitātun
Nērtiks	Grāudu, as ni mazzi aupaltun stawīdan kaīman As mīri, kāi būlai labban segītun līkutan tautaskartin be endītun stan stwi. Anga sta ast ainuntkwei stwi ?

2006.10.16 09:39 TikrintunCitātun
Glabbis	As ni waīda kasse paggan tu ni mazzi. Stwen prawerru peisātun "Martinonys" be pagnestun "ieškoti". Mazīngi dīgi šāi endītun tāutaskartin, adder as ni mūka stan segītun.

2006.10.16 11:35 TikrintunCitātun
Mānts	As dabber ni waīda, kas sadellis sta ast, adder Martinonys ast stwi (prawerru jātwei prā Sipōnins ezze Birštonasmu): Tikrintan: Sadellis ast stwi:

2006.10.16 15:38 TikrintunCitātun
Nērtiks	Be wissan ast eīsku, Dīnkun Mānts! As nadrūwei, kāi wīrstmai widāwusis stwen!

2006.10.16 20:41 TikrintunCitātun
Glabbis	Mānte, mazzi tū endītun šāi tāutaskartin, kwei ast Liskas sadellin anga ebzentlintun šin deīktan en šēimans tāutaskartins?

2006.10.17 05:32 TikrintunCitātun
Mānts	As jāu tikrinuns swajjan waīstin.

2006.10.25 17:01 TikrintunCitātun

Glabbis

Debīkan dīnkun wisēimans zmūnins, kwāi bēi perjāwusis en Martinōnins per Assanis Wāitin. Mennei perwaidinnas, kai sta bēi rikijjiskas liskas. DĪNKUN ARĢU, kas aupaluns deīktan be pagattawinuns wissan!!! Šās Nīmenas kalpenis ast arwiskai āustabawingi. Nūmans būlai labban peisātun swāise prātins, pamīrisnans pas Liskans. Sta mazzi būtwei impresiōnis - ka padīnga, ka ni padīnga, dīgi pamīrisnas - kaīgi būlai walnan; ka segīlimai per kittan rēizan. Sta mazzi pagalbtun per pagattawisnan stēisan perejīngin liskan. Ka jūs mīritei? As kwāi peisātun ezze deīktans, kwei mes bēimai. Nūse pints: Jānas Kazlāuskas taweīns prei Matešōnins (Matiešonys) Birštōns (Birštonas) Prēinai (Prienai) Pawīda prei Balbēriškin (Balbieriškio atodanga) Puņņas medinīkija (girininkija) prei Panemuninkans Puņņas kalpeni (Punios kilpa): - bunkers stēisan partizanan - Strazdinis kapurnas (Strazdinės pilkapiai) - Angzdres lindā (Žaltės slėnis) - Kunegikkas anzānai sen pawīdan en Puņņas pilisgarban - Wūrs anzāns (zūrgi 500 mettans) Rumbōnes pilisgarbs (Rumbonių piliakalnis) Alīts (Alytus) Alītas pilisgarbs (Alytaus piliakalnis) Puņņas pilisgarbs (Punios piliakalnis)

2006.10.26 16:42 TikrintunCitātun
Nērtiks	As dīgi kwaitīlai dīnkautun wissans deīktan īmtans pēr austabawīngin atmōsferin. Šlāitewingi Arģu, pēr pragrazzan deīktan be interesantin pintin.

2006.11.02 16:29 TikrintunCitātun
Glabbis	Nērtik, kasse paggan tu ni kwāi ebtarītun prōblamans ezze nūse Liskans. Kaddan mes īdusis sen Alnāsteinis pirzdausīndantin, tu bilīwuns, kai tebbei ni padīnga Kluššas lakciōnins, be tu subs kwaitīlai segītun stan per kittan liskan. As mīri, kai mes dweīsun mazīlimai pagattawintun mukīnsnas prōgraman per naunīngins. Kāigi tu mīri?

2006.11.03 09:00 TikrintunCitātun

Nērtiks

Sta ast labs pamirīsenis! Kāigi ēn wisēisan billin mukīnsnai pagaūmai ezze "būtwei" werbas deklinaciōni, personiskans [zaimki] be aupaltun tikriskan gēnerin per subjaktiwan: As asma labs wīrs adder As asma labban Tenā ast labā genā adder Tenā ast labban Sūnis ast labā alni adder Sūnis ast labban Teinū mazzīmai jāu zeīstun prasīsenins sēn "Ka", "Kas", "Kawīds" Ka ast labban? - Alu ast labban Kas tū assei? - as asma Prūss Kawīds ast sūnis? - sūnis ast labban Panzdau mukīnlai kāigi aupaltun dātas wīrdan datīwan be akkuzatīwan en wīrdeinu be jāu mazzimai bilītwei ezze deīktas ebpeisāsenin: (Prawerru enwestun be mukīntun kāigi deklinītun delli nāunans werbans: "jātwei", "ēitwei", "pereītwei", "buwīntwei") "As asma en Pameddei" "As jāma en Pameddin" "As perēima iz Pameddin" (be dīgi presnans sēn "na", "kīrša", "ezze", "pēr", "pra", "prēi", "pa") Teinū mazzimai jāu zeīstun prasīsenins sēn "Kwēi", "Iskwendau", "Enkwendau" ... Ast swarewīngi, kāi ni enwestlai per tūlin wīrdans na pagauseņu. [/i]

2006.11.03 12:34 TikrintunCitātun

Glabbis

Jā, sta ast labā pamīrisna. En Liskamans mes subbai mazīlimai segītun mukīnsnan per naunīngins, adder Mikkels jāu mazīlai skaitātun swāise brendins lakciōnins pēr mans. Anga tū empīriniskai ni kwaitīlai turītun tenesse lakciōnins?! As mīri, kai šis jāukus klasiskas pagaūsenis ast arwiskai spārts labban. Kāigi segīlimai stan prōgraman - anga peisālimai stan wissan šāi? Mazīngi staddan praēitwei en billas šlaitīntan? Prawerru peisātun wissans tīpans stēisan gārban, kwāi būlai labban per naunīngins. Be dīgi prawerru mīritwei ezze wissans wīrdans, kwāi enwedlimai en pagaūseņu (kai ni būlai per tūlin per naunīngins).

2006.11.08 14:03 TikrintunCitātun
Mānts	Kaīls, Majāi auīmsenei stēisan līskan ast stwi: http://foto.miestai.net/liskas2/rodyt.php

2006.11.09 17:24 TikrintunCitātun

Kareusnā

As dīgi kwaitīlai dabber rēizan dīnkautwei Arģu per wissan. Mennei perwaidinnas, kāi ukaswarewīngi bēi buttas atmōsferi - kāi mes ni tēr bilīwusis ēmpiri prūsiskai, adder dīgi buwīnusis ēmpiri be mazēimai ēmpiri segītun kawīdans jāukins pawīstins . As mīri, ikkai kwāimai tikran etgīmtwei prūsiskan billin be kultūrin, turrimai ni tēr bilītun, adder dīgi mukīntun si jāuku giwītwei ēmpiri. Stesse paggan mazzi būtwei kittan liskan mazīlimai dīgi segītun en sadellu be segītun tennan ilgaisin. En šismu liskan bēi di spārts labban. Grāudu tēr, kāi tāns ni bēi ilgan. Dabber mennei padīnga, kāi mes giwīwusis en meḑḑu, spārts taūwu prēi zemmin. Dīgi nūsan pintega bēi labban, spārtan be spārts grazzu.