Swintikai
Galwas pāusan > Galwas delīks > Baltiska kultūri
2007.04.05 06:50 | Swintikai
Kareusnā šandēinan ast interessanti deinā - zallis ketwirtiks. En XIX metsimtan bēi di enpeisātan stawīds gērbsenis ezze stan dēinan:

„Aīns zmunēnts, ēintei en zallis ketwirtikas bītan pra Kamswīkas pillisgarban, widāi trins mērgans prei tennan. Nu tāns stēimans mergāmans gērdauwuns „labban bītan“ be tenēi etrāi:
-Kas per „labban bītan“?
Tāns staddan bēi etrāwuns:
-Zallis ketwirtikas bītan.
Tīt tāns etrāi tikrōmiskai, beggi ni etrāntei stans wīrdans, tenesmu būlai ni labban.
Tūlin zmunēntins prei stan pillisgarban bēi kirdīwusis wisawīdiskans pawīstins.“
2007.04.05 08:49
Glabbis Zallis Ketwirtiks ast deinā, kaddan wīlis perēit prei zmūnins, kāi widālai swāise tēmprans zmunēntins. Panzdau tenēi ēit en kittan swītan be stwi ni mazzi ēitwei. Be deznimai mes mazzimai widātun wīlins, naseīlins en pilisgārbamans.
Būlai labban šandeinan perjātwei en Kamswīkas pilisgārban be dirītun kwei stwen ast trīs mergas. Teinū mes waīdimai, ka tenēimans prawerru etrātwei.