ICQ prēi prūsans
Galwas pāusan > Galwas delīks > Prūsiskas billas mukīnsna
2007.04.20 18:53 | ICQ prēi prūsans
Antnis Anga ainunts tērpau ICQ adder QIP? Prēi mi ast di walnan tērpautun prēi dēininan bilīsnan QIP, adder ni ast šriftin. Anga sta ast interesantin prēi ainuntan, ainunts waīda, kāigi segītun šriftins?
2007.04.21 11:03
Kareusnā Turrimai fōran per waitjāsenins prūsiskai. Per ka ast ICQ? - Peisāis en fōru.
Prūsamans ni prawerru neggi ICQ neggi wikipedija, neggi lāiskai en wikipedijai. Mikkels turri swāise pāusan, kwei jāu ast sūit tekstans prūsiskai.

Eraīns mazzi peisātun, kāi prawerru segītun prūsiskan ICQ anga ka nika kittan gezēiriskan be segītun stan, tēr kāi ni ensegīlai si sen prūsiskans billin.
2007.04.21 17:46
Antnis
Kareusnā

Turrimai fōran per waitjāsenins prūsiskai. Per ka ast ICQ? - Peisāis en fōru.
Prūsamans ni prawerru neggi ICQ neggi wikipedija, neggi lāiskai en wikipedijai. Mikkels turri swāise pāusan, kwei jāu ast sūit tekstans prūsiskai.

Eraīns mazzi peisātun, kāi prawerru segītun prūsiskan ICQ anga ka nika kittan gezēiriskan be segītun stan, tēr kāi ni ensegīlai si sen prūsiskans billin.



Men wisaddan austabbina zmūnei, kwāi waīda ka kasmu prawerru. Adder as īr ni prasijja, an prawerru di ICQ . Ik as peisāi ezze šriftans pēr ICQ, tīt mennei prawerru di.
ICQ ast lītaisin, nikāi tērpautun HTML-pāusan (fōran), bē ICQ dāst mazīngiskwan bilītun kāigi ēn realitātei (on-line). Bē stwi jāu ast widātan, an ensegēi si zmūi sen prūsiskan billin, adder nī. En šēimans astins ICQ ast dīgi ēnterpan.
As mīri, kāi fōran ast pēr ebtarīsnan, pēr perōniskan ebtarīsnan. Bē, as padruwēi, kāi ast prēipalai, kaddan kwaitēi di pabilītun aīns sen kittan, tet-a-tet, bē fōran ni preistalāi prēi šin.
As mīri, kāi, ik tebbei ni padīnga prāts, tīt bē peisāis, kāi tebbei ni padīnga di, adder ni peisāis ka pēr PRŪSANS prawerru, bē ka ni prawerru. Bē ik tū ni waīda pēr kas ast pawīstis, staddan sta ni ast brewīnsli prēi tennan perklantītun.
Ezze wikipēdijan : kasmu ast sūit, adder kasmu ni ast sūit.
2007.04.24 11:09
Nērtiks Kareūsna, Tū mazzi peisātun, kāi Tebbei ni prawerru, adder ni mazzi bilītwei per wissans Prūsans. As Prūsai, kwāi kwaitīlai turītun mazīngiskwan skaitātun ezze wissan, ka ast tenēimans interessantan, prūsiskai. Sta ast akiwīstai tāli kakīnsli. Stwi na fōru ast tūlin Prūsai, kwāi kwaitīlai turītun Wikipedijan be prsiskans lāiskans. Tū ni mazzi bilītwei en tenēisan emnin.

Ezze ICQ - as ni waīda, ik ast šisse prōgramas klijantai per wissan ōperaciōniskans sīstemans. Adder turrimai kōmunikatōran, kwēi mazīmai bilītwei pa wissans sīstemans - Skype'in. Tūlin Prūsai iz fōrum tērpaui din. As dīgi. Māise Skype'is emmens ast nertiks. Aupallais men, mazzimai waitjātwei. Stwen ni ast prōblamai sen fōntans. Tūls - turīmai īr prūsiskan wersiōnin!
2007.04.24 11:53
Antnis
Nērtiks

Ezze ICQ - as ni waīda, ik ast šisse prōgramas klijantai per wissan ōperaciōniskans sīstemans. Adder turrimai kōmunikatōran, kwēi mazīmai bilītwei pa wissans sīstemans - Skype'in. Tūlin Prūsai iz fōrum tērpaui din. As dīgi. Māise Skype'is emmens ast nertiks. Aupallais men, mazzimai waitjātwei. Stwen ni ast prōblamai sen fōntans. Tūls - turīmai īr prūsiskan wersiōnin!



Dīnkun pēr etrāsenin!
As akrāts waīda, kāi QIP, kan as tērpaui, ast kāigi pēr Windows’an, dīgi pēr Linux. Majs ginni tērpaui QIP ēn Linux’u. QIP sta ast ICQ, adder šlāits reklāmans, bē sta ast lānguisin. www.qip.ru (ast di Ēngilskai)
Adder as ni waīda, ka ast sta Skype. As asma senrīnkuns ēn stessei laukīwingin sisteman wīrdan „Skype“, bē as aupalla tēr ebpeisāsenin ezze IT-telafōnan gratis. Madli, dāis mi link’an.

Ezze Wikipēdijan
Asma skaitāwuns prawerīngiskwans pēr izgattawinsenin (rules for registration). Tennas ast spārts stūrnans.
2007.04.26 08:12
Glabbis Nērtik, as ānkstais mīriwuns, kāi tēr Kāiraits mazzi tīt peisātun ēngliskai: I am prūsai. Stwi prawerru prasītun - anga tūlin Nērtikai ast stwi en fōru???
2007.04.26 09:54
Mānts As dīgi prēitara, kāi niainunts ni mazzi bilītun, ka ast prawerīngi be ka ni ast prawerīngi per kitamans, prēi šin prēipalin, prūsamans. Mes wissai asmai swajawīdiskai šlaitawīdai be turrimai swajjans presnans ezze šlaitawīdans pawīstins.
Ka ezze ICQ, Skype be kittans, as mīri, kāi stāi ast tērpinas pawīstis kāigi dīgi šin fōrum, awīzi be kittas perwaidīnsnas. Stwen zmūnei mazzi pawīrpai waiţātwei, izwangintun swajjans billiskans enjuksnans stesse prūsiskan be dīgi telefōnitwei šlāit debīkan platīsnan.
Kaddan mes wīrstmai turīwusis swajjan buwīniskan dēiktan, staddan mazīwusis bilītwei, kāi stawīdas pawīstis nūmans ni ast prawerringis.
2007.04.26 19:36
Nērtiks Kaīls Atnis!

Stwi tu mazzi īmtun skype'in: http://www.skype.com/download/

En Skype'u ast, šlāit telapōnan, kōmunikatōrs be P2P klijants. Be, ka ukaswarewīngi - turri prūsiskas wersiōnin (graūdu, tēr windowsas wersiōni)
2007.04.26 20:48
Antnis
Nērtiks

Kaīls Atnis!

Stwi tu mazzi īmtun skype'in: http://www.skype.com/download/

En Skype'u ast, šlāit telapōnan, kōmunikatōrs be P2P klijants. Be, ka ukaswarewīngi - turri prūsiskas wersiōnin (graūdu, tēr windowsas wersiōni)


Dīnkun
As wīrst dirīwuns.
Ērgi
2007.05.02 08:40
Glabbis "As dīgi prēitara, kāi niainunts ni mazzi bilītun, ka ast prawerīngi be ka ni ast prawerīngi per kitamans, prēi šin prēipalin, prūsamans"

- kasse paggan zmūi ni mazzi bilītun swāise presnan – ka prawerru per prūsans be ka ni praweruu? As mīri, kāi erāins mazzi bilītun swāise presnan. Kasse paggan ni?
Tū teinū subs bilāi swāise presnan. Kasse paggan Kareusnā ni mazzi?
2007.05.08 16:34
Mānts
Glabbis

"As dīgi prēitara, kāi niainunts ni mazzi bilītun, ka ast prawerīngi be ka ni ast prawerīngi per kitamans, prēi šin prēipalin, prūsamans"

- kasse paggan zmūi ni mazzi bilītun swāise presnan – ka prawerru per prūsans be ka ni praweruu? As mīri, kāi erāins mazzi bilītun swāise presnan. Kasse paggan ni?
Tū teinū subs bilāi swāise presnan. Kasse paggan Kareusnā ni mazzi?



Kaddan zmūi bilāi swajjans presnans, tāns jāuku terpāui frāzins kāigi „prēi majjans presnans“ be palīgwans. šāi bēi kategōriska bilīsna, kwāi per men ni spārts padīngusi.