2007.11.24 19:23 | Perejīngisku stesses pragūbingin kērdan stēisan werban TikrintunCitātun

Antnis

As asma deliwārst endirīwuns, kāi ainuntai tērpaui en pragūbingei kērdan stēisan wissan werban tēr fōrmin iz “būtwei”+ particīpin (Perfectum: as asma endirīwuns). Sta pastāt eīskitan ezze palīgiskwan stēisan fōrmin stēisan dwejjan kērdan. Adder turri di wis pat kitawīdan fōrmin stesses pragūbingin kērdan pēr tūlin werbans, kans mes turrimai waīstun, kāi segīlimai particīpin: iz 65 paradīgmans stēisan werban ast tēr 11(82, 83, 84, 86, 122, 131,132,134, 133, 135, 139), kwās turri ainawīdans fōrmins stesse saknin pēr dwejjan kērdan. Prēi stan, mes turrimai minītun, kāi pēr 1-prusnan pl. (mes), 2-prusnan pl. (jūs) en wissan prēipalin fōrmis šlaitinna si: treptun-treppa-treppimai-treppamai. Be ikāi stās fōrmis ni pastāt tērpautan spārts deznimai, prawerru pazinātun di, kāi fōrmis stēisan pragūbingin bē šāisentin kērdan ni ast ainawīdan. As preitāra, kāi gruppis 82, 134 bē 139 ast ukaprōduktiwaisin, adder sta gāncai ni bilāi, kāi en prūsisku pragūbingi kerdā pastāt segītan ezze būtwei+particīpin, kāigi sta ni ainawārst pastāi gērdautan na fōran en delīku stesses mukīnsnan. Anga mazzi di gērdautun, kāi jāu en prūsisku ni ast fōrmin stesses pragūbingin kērdan?

2007.11.24 20:15 TikrintunCitātun
renata bitinelio	Kaīls, Āntnis. Egzistijja abbas fōrmis (as bēi/ as būwusi, būwuns). Nū as ukkadeznimais tērpaui fōrmin sen delīkasmikan stesse paggan, kāi staddan ni prawerru dirītun en wirdeinan fōrmis paggan. A kāigi prawerru, mazzi aupeisātun tēr Mikkels Klussis, Nērtiks, Glabbis, Kareusnā... as dabber ni wūrai waīda prūsiskan be dabber ni spārtai labban

2007.11.24 21:42 TikrintunCitātun
Antnis	Kaīls, Renata! Adder as asma peisāwuns, kāi prēi segītun perfectum prawerru waīstun fōrmin stesses pragūbingin kērdan. Sta bilāi, kāi tebbei prawerru en wissan prēipalin dirītun en wirdeīnan : )

2007.11.24 22:29 TikrintunCitātun

Glabbis

As ni labbai izpretta ka tū kwaitei engērdautun? Kasse paggan ni ast? Ast stwen kwei ast. Ik mes turrimai pt fōrmins, mes mazzimai tērpautun tennans, prei perwaidīnsnan, ps: as wīda, pt: as widāi. Ik ni turrimai, mazzimai tērpautun ps fōrmins be iz kōntekstu būlai eīsku preslin, adder mazzimai tērpatun tēr pc fōrmins,be ni butewīngi tērpautun perfēktan iz "būtwei + pc". Stan subban en lattawisku be en maskālisku. Ppw: он работал. Istōriskai "работал" ast dīgi pc fōrmi be ānkstais bēi "он есть работал". Adder teinū "работал" ni ast perfēktan. Adder laītawiskai, eīsku, ni būlai labban engērdautun: "jis dirbęs" stesmu prēipalin. Ezze -mai, -tei mennei ni ast eīsku, kasse paggan Klussis dāi stans fōrmins ni wiskwēi, adder wisāi tērpaui tennans sen -mai, -tei.

2007.11.25 06:36 TikrintunCitātun
renata bitinelio	"Adder as asma peisāwuns, kāi prēi segītun perfectum prawerru waīstun fōrmin stesses pragūbingin kērdan. Sta bilāi, kāi tebbei prawerru en wissan prēipalin dirītun en wirdeīnan : )" as stwen peisāwusi ezze prāstan pragūbiskwan delīkasmikan, kwei ni prawerru: p.p. segītun: segī- "tun" + "wusi" as wissadan stan tērpaui :)

2007.11.25 06:42 | as prasīwusi ezze stan MK, be tāns peisāwuns: TikrintunCitātun
renata bitinelio	"Turrimai gērdautwei tīt, kai stwen, kwei prawerru, būlai eīsku, kwei ast prezēnti, kwei pragūbinsku. Šlāit stan, na tēntiskan stādijan bilā ast tēr eksperimēntin. Etwijāsei si naturālai. -mix-"

2007.11.25 07:04 TikrintunCitātun

Antnis

Glabbis, as gāncai ni kālba gramātikin. As prasijja ezze perejīngiskwan stesses fōrmin, beggi as endirēi, kāi tūlin kas tērpaui entikriskai particīpin na fōran. Ast di Renata, perwaidīnsnai, tenā subba gērdau, kāi ukadeznimais tenā tērpauits particīpin (prēi stan, kāi en realitātei tenā turri dirītun en wirdeīnan). Perwaidīnsnas iz kittans billins, kans tū dassei, preistatinna billas prōcesan stesse praēisenin ezze fleksiōnimans (fōrmi stesses pragūbingin kērdan) ērgi analītiskans fōrmins (būtwei+particīpin). Twajjan rīndan mazzi di ēmpirsin sadīntun ezze ēngliskan, ēn kasmu *ed-fōrmi ast dīgi particīpin, ezze pracōziskan, ēn kasmu prei būsnan stesses fleksiōniskan fōrmin stesses pragūbingin kērdan wis pat tērpaui di analītiskan fōrmin (avoir + pc). Stwi bē māim ast interessanti, nijāugi (anga) en prūsisku šis prōcess stesse praēisenin pagaūne si? Stesse paggan as nadāi erainasmu tarītun.

2007.11.25 07:10 TikrintunCitātun
Antnis	Nū stwi, Mikkels bilāi ezze būsenin, bē as kwāi jāu sadīntun prāsenin ezze tēntiskan tēndencin

2007.11.25 07:12 TikrintunCitātun
Antnis	Renata, wisaddan - ni wissadan

2007.11.25 07:16 TikrintunCitātun
renata bitinelio	jā, "wisaddan", dīnkun p.s. kāigi teinū jāu waīdamai, sta ast makstimālan, be sta ast natūraliskas bīlas prōcess (ezze stēisan delīkasmīkan terpausnan)

2007.11.25 08:38 | ezze tērminans (delīkasmiks/particīpin) TikrintunCitātun
renata bitinelio	MK: "As wīda, kai tīnka nawwai grammatiskai termīnai: delīkasimiks, etc. En wirdeīnu ast latīniskai, sta ast walnan"

2007.11.25 11:29 TikrintunCitātun
Glabbis	"šis prōcess stesse praēisenin pagaūne si" - kawīds prōcess? Ik ni ast pt fōrmi, mes mazzimai īmpun pc fōrmin. Adder šismu prēipalin, sta ni ast perfēktan. Perfēktan ast ik īmlai "būtwei + pc". As ni mazzi paprestun – ezze ka tū bilāi?

2007.11.25 11:30 TikrintunCitātun
Glabbis	"šis prōcess stesse praēisenin pagaūne si" - kawīds prōcess? Ik ni ast pt fōrmi, mes mazzimai īmtun pc fōrmin. Adder šismu prēipalin, sta ni ast perfēktan. Perfēktan ast ik īmlai "būtwei + pc". As ni mazzi paprestun – ezze ka tū bilāi?

2007.11.27 12:51 TikrintunCitātun

Nērtiks

[quote]- kawīds prōcess? Ik ni ast pt fōrmi, mes mazzimai īmpun pc fōrmin. Adder šismu prēipalin, sta ni ast perfēktan. Perfēktan ast ik īmlai "būtwei + pc". As ni mazzi paprestun – ezze ka tū bilāi? [\quote] Ast kāigi Glabbis peisāi. Mes bilāimai ezze stan en līsku en Īlawiskai Garbawan. Tītet: prezēnti: As imma = I take pratēritan: As immi = I took pērfektan: Asma immuns = I have taken prēzenti: As segēi = I do pērfektan: Asma segīwuns = I have done pratēritan: As segīwuns = I did (tēr beggi pt=ps, stesse paggan pt < segīwuns (pc))