| |||
| renata bitinelio | |||
| |||
| renata bitinelio | Mainātun (en stēisan Baltan Undans) Zemīkan mussitan, Mīmelin minītun ast Mattautun pintin ērgi Mīrisnas krāntan kittan Mīmelin minītun ast mukīntun si iz Jōnatanan, -Sūnan Debbas Starnītis Mīmelin minītun ast Maigīntun en Kūpamans sirzdau zālins spārtanin Wītran Mīmelin minītun ast Mīnikas spīgeles kērpetlins en bāngamans senrīnktun Mīmelin minītun ast Marīnis prūsiskas wūran māntan niggeistai aupaltun Mīmelin minītun ast Mīman waiţāsnan en glīsju buwīwušas wūdikan kirdītun Mīmelin minītun ast Māigan sen reāliskwan maisātun Mīmelin minītun ast Mālarautun Pragūbiskwan en mārkasmu sīgzdan Mīmelin minītun ast Mazīngisku wissans "kasse paggan" mersītun Mīmelin minītun ast Muzīkin iz Tusīntan Swāikstan sen dallas stangsnammans tekātun - p.s. as dinkaui Kareusnai pēr stēisan blāndan tikrīnsnan |
||
| |||
| renata bitinelio | Ik Kursinmarri mazīlai bilītun, sta būtewingi gerbaūlai ezze aīnas zukkaunikas pintegan en stēisan Starnītin Dāusans: Wūrai wūrai, kaddan dabber zmūnei paprettusis wisēisan pippelin billin, prēi Marrin buwinna zukkauniks Kirdewuttis. Kirdewuttis ni tēr kirdīwuns, šlāit dīgi paprettuns Marres bangaūsnas billin, waiţāwuns sen zalīkans, garrins, zwīrins be pippelins. Na tenesse adlis krakstan wisaddan preisindīwušas starnītis. Gabtans zukkans zukkauniks delīwuns pērpusin sēn swajjans gaīlans ginnins. Kirdewuttis giwīja ni juttuns stēisan mettan gnettan, ikāigi mīrsuns bigīntei kērdan, adder aīnan assanin tāns pagaūwuns justun kāi aīnutan nijāu tīt. Marri pagaūwusi bangaūtwei ainutkawīdai kitawīdiskai, ikāigi kwaitīwusi engērdautun swarewīngin waīstin. Dīgi stēisan starnītin kriksnā teinū pastāi stawīdan retawīngi... Kirdewuttis izpretta, kāi starnītis ainutkwēi tennan perwūkaui, šlāit ni izpretta, enkwendau... Rēizan, wilkuns adlin en krāntan, zukkauniks izkirdīwuns, kāi druggei jāu ikāigi ni rusēi, adder gremme. Kittan rēizan, etwartīwuns en buttan, padwarres berzīks niggeistai tennan glābja sen mīlingins wippins. Stāi retawīngi kitawīdas swītas jusnā nikwēigi tennan ni pawerpusi. Aīnan ankstāinan Kirdewuttis etbauddinna, adder jāu ni etskīja. Zurgi pussideinan pra langstīkan perskrāidusi starnīti perpidda en snapīku tenesmu prīskan zukkan. En wakkaru zukkauniks izkirdīwuns tūliskwan stēisan starnītin, drugginpelin be kittan pippelin grīmans. Zūrgi buttan būwusi pastippa tūlisku stēisan pīpelin. Tennans widāwusis senrīnkusins stēisan kaimīnan malnīkai Mēldaina, Wakkaris, Bangaūsna be Drugīka. Kirdewuttis permirkinna akkins be pajutta lānzīwuns sirzdau gremmusins druggins, na supinnusin bāngan. Stāi bangā gabbusi din be pidda en stēisan Starnītin Dāusans . Prei pirman Kirdewuttis enpalluns en stēisan Zukkan Dāusans. Sta bēi stēisan Starnītin Dāusan Dimstis Stwen zukkaunikan ebzurginna wisāi stāi zukkai, kans tāns gabbuns per gīwatan. Engraudisnā ikāigi dalkes wānss izdrezzi zukkaunikas sīran. Tāns etwīnuwns si be zukkai tenesmu etwērpusis. Tālis zukkai pawaidinnusis pintin en stēisan Starnītin Dāusans. Enwāngan Kirdewutttis izkirdīwuns ebwarīngin starnītis krīksnan. Tāns erzināwuns stēisan swajjan ginnin tārins. Erlānguns akkins, tāns kīrša Marrin widāi pastipan horizōntan gaīlauwuns ezze miliōnamans stēisan gaīlan starnītin. Sēn warewīngin krīksnan tennas zmūninna Teikikan. Subs Kirdewuttis būwuns en līkutai sallan. Stwen tāns aupalluns swajjan mīlingin berzīkan. En sallas krakstu - stāi subbai gremmusis druggei. Sirzdau tennans zarāi glīsingei swaikstīkai. Līnai bāngas suppa līkutan tenesse ādlin. Ikkai zukkauniks dirēi en adlin, starnītis iz swajjans plāugzdans senwijāi tenesmu debīkans skreīlins. Staddan tāns izskrāida prēi starnītins. Izskrāida Kirdewuttis klausīwuns stan, ka dabber zmūnentes āuss ni ast kirdīwusi. Ik Kursinmarri mazīlai bilītun ... - p.s. dīgi dīnkun Kareusnai pēr stēisan blāndan tikrīnsnan |
||
| |||
| sebastijans | |||
| |||
| sebastijans | |||
| |||
| Glabbis | |||
| |||
| sebastijans | |||