2008.10.13 23:18 | Baltizmai en maskōwitisku TikrintunCitātun

Glabbis

Ezze "Stabjonka" jā, spārts palīgu, kāi sta ast iz "stabban". Mazzi tū gērdautun kwēi sta ast? Adder kāigi tū izpresta stan "Šlino"? As tēr mīriwuns ezze laītawiskan wīrdan "šilas" be nūse wīrdan "silā". Zentlisnā ni ast stan subban. "šilas" ast stawīdan nidebīkan meddin kwēi aūga pjāusis. Adder stwi prawerru walns dirītun ka sta mazzi būtwei. Swarewīngi waīstun kwēi sta ast beggi ast arāiks be per stan arāikan jāu ni turri būtwei baltizmai. Dīgi prawerru dirītun kāigi be kaddan sta pastāi enpeisātan pirman rēizan. Ka ezze mīstans sen baltiskans emnins, as mīri, kāi tenēi mazzi turītun baltiskans emnins tēr iz appins. Ik appi turri wūran baltiskan emnin, eīsku, kāi tenā mazzi dātun emnin dīgi mīstu. Tīt ppw, mīstas emmens "Maskōwa" dīgi mazzi būtwei baltiskan, beggi Maskōwas appi mazzi būtwei baltiskas emmens. Ast argumēntei, kāi sta ni ast finiskas emmens, kāigi gērdaui di en Mackālijai. Teinū as ni turri stan Toporōwas lāiskan, adder perwaidinnas, stwen turri būtwei iz "mazg-" saknin. Ka nika sēitan sen mārkan deīktan. Pra mīstan "Tula" tēnka appi "Upa". As dabber ni waīda anga sta ast wūras baltiskas emmens, adder wīrds "appi" laītawiskai ast "upė" be lattawiskai "upe". Ezze stan tēman tūlin ka segīwuns Toporōws, tīt dīgi Otkupščikōws (Откупщиков). Prawerru dirtun tenēisan dīlins.

2008.10.15 11:01 TikrintunCitātun

krieger

Ezze “Stabjonka” as dīgi kīrdei, kāi sta ast iz “stabban”. Adder ezze “Šlino” as kīrdei, kāi sta ast iz laītawiskan “slynas” (тяжелая светло-синяя глина, adder en māise wirdeīnu as ni turri palīgun.) Twāise wersioni ezze “Slino” ast interessanti. As kīrdei tūlin emnins ka pastāi senristan sen mackāliskan “bor”. “Stabjonka” ast en Novgoroda regiōnei. En “Novgorod” ast “stēisan prūsan gatwi” (Prusskaja ulitsa). Ik bilītun ezze arāikan, prawerru waīstun kwēi baltai buwīnuns. Mackālijas istorija ast retawīngin. As kīrdei, kāi “Maskōwa“ ast mackāliskas emmens: as ni mazzi paprestun stan. Be sen emnin “Rusī” (Rus’) ast rawīngin: sta ast baltiskas, finiskas anga mackāliskas emmens. En Maskōwai gērdaui di tūlin wīrdans… Ast tūlin baltiskas emnei pagār appins “Пола, Ловать, Шелонь, т.д.” http://gorchev.lib.ru/ik/Predystoriya%20SPb_1703god/Pre_images/Bas_Nevy.gif

2008.10.28 20:51 TikrintunCitātun

Glabbis

Jā, ezze autochtōnans be tenēisan okupaciōnin stwen en Petrāpilei peisāwuns dīgi Klussis, stwi biskin ast ezze stan. http://www.geocities.com/palmaitis/Ingria.html Adder tāns turri ezze stan - kōmpaktin plattin sen tūlin informaciōnin be glaubālins. Ezze "slynas" prawerēi dirītun dialaktiskan wirdeīnan LKŽ: http://www.lkz.lt/ Adder stwi dīgi ni ast. Ka nika palīgu sen "lāids" ast, adder ni ast eīsku. Jā, sta ast labbai waīstan, kāi en Nawagārdu ast Prūsiska gatwi. Mennei ast interessanti anga tenā dabber ast? Prawerru stwen būtwei. Kaddan as wīrst būwuns en Kunnegsgarbu, as wīrst padirīwuns lāiskan sen listin kwei ast tūlin baltizmai.

2008.11.13 12:17 TikrintunCitātun
Kareusnā	Stwi ast baltiskan hidrōniman plattibis tāutaskarti: http://prusai.org/twanksta/kalba-zemel.jpg En lāukai tāutaskartis plattibin ast tūlin baltizmans, en geltaīnai plattibin ast mazzais. Adder tāutaskarti jāu ast wūran, beggi teinū stāi plattibi jāu pastāi plattuis be pastāi tūls izlaukītan.

2008.12.08 22:14 | Kimkai TikrintunCitātun

Glabbis

Toporōws en swāise wirdeīnu peisāi (sta ast littera "K", pāusan 366, wīrds *kim-) ezze Maskōwas regiōnin "Химки". En Jātawas, Krēiwas zemmei ast tūlin stawīdai wūrai emnei stēisan kāiman kāigi Кимия, Кимейка, Кимяны. En 16-17 mts. jāu peisāi di Химия, Химейка, Химяны. Toporōws, mīri, kāi stan subban mazzi būtwei sen Maskōwas emnins, stawīdans kāigi Химки. Stas emmens turri būtwei iz saknin *kim-en-, *kim- sen zentlisnan "mussan" adder "deīktan kwei aūga mussan". Slāwiska etbilisnā čmanie "wārgs zālis". Prēi mans sen stawīdan saknin ast Kīmenawa.

2009.03.16 22:09 TikrintunCitātun

Glabbis

Stwi prawerru dātun jāu klassiskans perwaidīnsnans stēisan baltizman: Tītis "Mazzais" be Sasnei dīgi ast ainuntkawīds tītis Mōžai Mōžaisk (mīstan), Mažaika (appi), dīgi Mōžaika Dostōjewskes erōjs Swidrigailōws, stwi ppw., ast ainuntkawīda krōniki, kwei widātan, ka sta bēi laītawiskas kunegiks, kawīds bīguns en Prūsan. http://litopys.org.ua/psrl3235/lytov05.htm Швидригайло з прусами воюет Литву. Князь Швидригайло, брат Ягейла 8 кроля 9, будучи збЂгом в ПрусЂх 10 килка лЂт, зобрался на Витолта з мистром пруским Конрадом, з великим войском немецким и притягнул до земли Литовской 9, звоевавши огнем и мечем и Ю 11 злупивши еЂ зскарбов, вернулся з мистром до Рогнеты.