Strāikai en Laītawai be Lattawai, raggas 13 - 17 d.
Galwas pāusan > Galwas delīks > Baltiska kultūri
2009.01.19 11:10 | Strāikai en Laītawai be Lattawai, raggas 13 - 17 d.
Glabbis Stan subban kāigi en Ringai bēi en Wilnei, be kittan dēinan prēi mans en Mīmelai. En Mīmelai ni bēi ūlinsnas, tēr mītingan. Prawerru dabber dirītun nawwiniskwans. Idiōtismus. Auktimmisku pastāi perdātan. Wissan pastāi perdātan en Laītawai, en Lattawai, dīgi en Estantautai. Brendu engērdautun, ka ast walnan. Prawerru, kāi prōtestai būlai, adder tīt nika ni dāst, beggi stwen bēi tūlin prastai zmūnei, skinhēdai, pūwusis, bōmžai be tīt tālis. Ik sta būlai arwiskai radikals prōtests sen wissans klādans stēisan buwīntajan, staddan sta būlai kitā pawīstis. Adder tīt sta ast kāigi akciōni anga "art-perfōrmanss", kwēi ēst eraīns zmūi kwaitēi turītun kintuppan ezze stan.
Prei perwaidīnsnan, persōniskai as, ēst nika ni waīduns, kāi turri būtwei stawīdai strāikai, beggi en gīwatai as turri kōntaktans tēr sen zmūnins iz uniwersitātins, be iz stawīdans zmūnins naīnuns nika ni waīda ezze stan.

Wissan stan perwaidinna si kāigi absurditāti: raggas 13d. bēi pawīrpingiskwas deinā (jāu 17 mettai) be as dabber nika ni waīda ezze stan, ka ast en Ringai, be wiskwēi ast stas "teāteris" ezze patriōtizman sen panniskans, pōezijan, grīmans be krōnikan kāigi sōwetas zuldātai delbja laītawins, adder raggas 16 d. jāu telawizōrai pawaidinna kāigi pōlicaja delbja laītawins be wisāi ministerei gērdaui, kāi tenēi nika ni waīda.
Tīt ka jūs mīritei ezze stans audāsenins?