2010.06.24 22:27 | Prūsiska Wikipēdija jāu dilāi! TikrintunCitātun
peteris92	Kaīls! Stwi mes mazzimai teīktun Wikipēdijan: wisāi, kawīdai kwaitīlai segītun ka nika, ast prawerīngin. Segēiti artīkelins be skaitāiti wissan, ka ast segīwusis kitāi :) http://wikipedia.prusaspira.ez.lv/wiki/Galwas_p%C4%81usan

2010.06.25 15:39 TikrintunCitātun
Glabbis	Tīt Nērtiks pat jāu ānkstais turīwuns tūls artīkelins, kaddan dabber bandāwusis segītun stan wissan en swītas wikipēdijai. Kasse paggan teinū ni ast stāi artīkelai?

2010.06.26 11:54 TikrintunCitātun
peteris92	Nērtiks ast peisāwuns mennei, kāi artīkelai wīrst būwuns, beggi tāns turri tennans, adder prawerru tennans enpeisātun en nawwai Wikipēdijai. Tīt wisāi artīkelai wīrst būwusis.

2010.08.03 17:14 TikrintunCitātun
Nx	Ni bēi mazīngi izrankītun wissans nūsans wūrans artīkelins. Māim izpalā di arkiwizītun zūrgi pussin be jāu ēst wisāi ast enpeisātan en nūsan wikipēdijan. Kāigi mazītei widātun, teinū wikipēdija jāu turri swajjan dōmenin be ast fīziskai na nūsan sērwrin (en māise buttu). Niks jāu ni mazzi mans di etīmun. As nadrūwei ,kāi mazzimai stwi enpeisātun wissan waīsnan prūsiskai.

2010.08.09 10:45 TikrintunCitātun
Nx	Wīdaiti madli šin artīkelin: http://wikipedia.prusaspira.ez.lv/wiki/Dift%C5%8Dngs be tikrinaiti ik mazītei.

2010.08.09 12:39 TikrintunCitātun
peteris92	Nu, as ni asma zināniks, adder as wīda, kāi (pa mennei) wissan ast labbai. As mīri, kāi Tebbei prawerru prasītun Mikkelin. Ast spārtai nilabbai, kāi tēr tris zmūnei peisāi ka nika: as, Nērtiks be Katti. As waīda, kāi stwi ast tuls zmūnei, kawīdai mūkinlai peisātun labbans artīkelins.

2010.08.09 13:04 TikrintunCitātun
krieger	Nū, as ni izpresta kāigi be ka peisātun, p.p.: kasse paggan ni papeisātun prei pagaūsenin ezze Baltiskan kultūrin, Prūsan, be t.t., adder panzdau papeisātun ezze kittans ka jūs kwaitēitei (ezze fizīkin, literaturīn, t.t.)? Prawerru autengītun jūmans artikelīns?

2010.08.09 14:09 TikrintunCitātun

peteris92

Eraīns mazzi peisātun ezze ka tāns/tenā kwaitēi, ik Tū kwaitēi peisātun ezze baltiskan kultūrin - ni ast problaman. Peisātun artīkelins ni ast brendu, be pagalba en tūlin billins ast en wikipedia.org - en nūsei Wikipēdijan di peisāi tīt dīgi. Turri di ter turītun kwaitīsnan prei mukīntun si - ni ast zmūi, kawīds mūka wissan šlāits pastangan. Ik en artīkelimans wīrst būwuns blāndas - kitāi wīrst tikrinnusis.

2010.08.09 14:41 TikrintunCitātun
krieger	Pīteri, as ni waīda kāigi teīktun swāise artīkelin, as tīt mazzi tikrintun ka nika, adder http://wikipedia.prusaspira.ez.lv/wiki/Talk:Diftōngs stwi as papeisāwuns kāigi as peisālai definīsnan

2010.08.09 14:58 TikrintunCitātun

peteris92

jāu as bilāi - Tū turri peisātun pabilīsnan stesse nawwan artīkelin en "Lāukis" deīktu. Ik ni ast stawīds artīkels - wīrst būwuns : "Ni ast pāusan sen tītelin ... . Tu mazzi teīktun šin pāusan." Tu mazzi teīktun šin pāusan wīrst būwuns wūrmi, be stan Tū turri sprakstintwei. Tū wīrst wīdawuns pāustan pāusan, be stwen Tū wīrst mazīwuns peisātun artīkelin. '''(twajs tekst)''' - wīrst dāwuns stāran tekstan '' ... '' - krēiws tekst b sen <> (b turri būt en sīrdu) - ast kāigi enter u sen <> (u turri būt en sīrdu) - zemmai glāubtun [[...]] - link prei kittan artīkelin As mīri, kāi stan ast ukaswarewīngan. p.p ast dāma stwi majjan artīkelin "Drūsa": '''Drūsa''' (pōl. ''Truso'')- Baltiskas āustes pabilisnā, be stesse kāupiskwas deīktan. Stan bēi zūrgi [[Wīksla|Wīkslas]] āustin prei Baltijan, Drūsa bēi ebpeisātan pra [[Wulfstans|Wulfstanan]], kawīds perplūwuns stwen iz [[Hedeby]] na Jutlandiskan Pusisallin zūrgi 890 mettan. Ebpeisāsenis stesses pintegan, stesse āustin be stēisan juksenin en Prūsai bēi dītan en Chorografijai stesse Orozin, tulkautan na wuraēngliskan pra kunnegan [[Alfreds Debs|Alfredan Debban]]. Tū dīgi mazzi dātun auīmsenin: Enkraūneis zūrbrukin - (ast en menu) be panzdau Tū en artīkelu peisāi: [[File: (pabilisnā)]] dīgi, tū mazzi peisātun center, right, left, p.p. [[File: pabilisnā|left]] - staddan auīmsenis wīrst būwuns en kāirai. dīgi ast ''thumb'', stan ast labban ik Tū kwaitēi dātun ebpeisāsenin stesse auīmsenin: [[File: pabilisnā|thumb|(tekst)]] , p.p [[File:Truso.png|thumb|right|Stawidīskai mazēi pawaidīntwei Drūsa]]

2010.08.09 20:08 TikrintunCitātun
Glabbis	Mennei padīnga stāi grīma, kāi eraīns mazzi segītun ka tāns kwaitēi. As jāu ezze stan kirdīwuns : ))

2010.08.09 21:02 TikrintunCitātun
peteris92	Kwēi, Glabbi, peisāis, mennei ast interessanti :))

2010.08.09 22:43 TikrintunCitātun
Glabbis	Peisātun kwei tebbei ast interessanti? As ni waīda kwei tebbei ast interessanti.

2010.08.10 07:58 TikrintunCitātun
peteris92	Kwēi Tū ezze stan kirdīwuns... Ezze stan, kāi eraīns mazzi peisātun ezze ka tāns kwaitēi.

2010.08.10 10:17 TikrintunCitātun
Nx	En artīkelu ezze Sēmbai: http://wikipedia.prusaspira.ez.lv/wiki/Semba astzentlawingi blānda, kai prūsai enskajinna Sēmbai en VI-XI metsimtu. Ēn VI metsimtu Prūsai pagaūwa pratreptwei Wīkslin, en Sēmbai bēi praktiskai ezze pagaūseņu - VI metsimtu BC. Sēmba bēi staddan cēntran stesses skīstai baltiskan arkealōgiskan kultūrin - wakarabaltiskan ķāsin kultūri.

2010.08.10 10:19 TikrintunCitātun

Glabbis

Aaa, eīsku. Nū perwaidinnas, tū (Pīteris)subs ezze stan mennei papeisāwuns, kaddan as prasīwuns - kasse paggan mes en pagaūseņu ni mazzimai ebtarītun kawīda turri būtwei Wikipēdija (staddan tū peisāi ezze "ka bēi en swītu ppw. en Līpas 25d." be as tebbei papeisāwuns kasse paggan tū ni peisāi "ka bēi en Prūsai"). Tīt mennei sta ast interessanti kasse paggan per nawwans zmūnins psicholōgiskai sta ast brenduis peisātun ezze Prūsan, nikāi ezze kittan swītan. Spārts interessanti. As etmenna, kāi sen Nērtikan dīgi tīt bēi sūit ilgai, adder teinū tāns jāu ni bijja peisātun ezze Prūsan. Be ppw. bēi stawīds Antnis. Tāns empīriniskai nika ezze baltiskan Prūsan ni kwaitīwuns peisātun. Mennei tīt ni bēi. Stesse paggan as nikāigi ni mazzi stan paprestun. Mennei ast interessanti.

2010.08.10 10:33 TikrintunCitātun

Nx

As subs ni jāute si tīt spārtan be gaūdran, kāi segīlai pastippans artīkelins ezze baltiskan kultūrin. Faktiskai ast tulkaui artīkelins iz swettins billins. Kwēi as waīda, as peisāi: http://wikipedia.prusaspira.ez.lv/wiki/Berzi http://wikipedia.prusaspira.ez.lv/wiki/L%C4%ABkutailappiska_l%C4%ABpa As kwaitīlai, kāi eraīns kas waīda ka nika ka ni ast en artīkelu, enpeisālai swajjan waīsnan ebwijāntei nūsan Wikipēdijan. Stesse paggan Wikipēdia mazzi turītun tūls infōrmaciōnis be aūgtwei dīwais, beggi ast teīktan ni pra zūnin, adder pra pīran.

2010.08.10 11:52 | ezze Semban TikrintunCitātun
krieger	Nx, staddan tikrinnais. As dirīwuns ka peisāwuns Kulakōws en Baltaslawan enlaukusnāmans (Balto-Slavic Studies, 1985m), tāns peisāwuns: En VI-XI prūsai enbuwinna Sembas pussisalan be Prūsas marres pusideinādeinan krāntan; Dīgi tāns peisāwuns 'Prūsiska archeolōgiska kultūri tīnka en Sembai prei III mettasimtan'. Tīt tenēi gūbi ezze krantammans en gilluwan.

2010.08.10 14:38 TikrintunCitātun

Glabbis

Ka peisāi Kulakōws, ast tēr Kulakōwas prāts. Prawerru paprestun, kāi tāns turri "germaniskan" prātin. Stwi zentli, kāi subs emmens "prūsai" ast tradiciōnalai ezze 6 mts. be sta pastāiu sēitan sen Pratennes religiōnis refōrmins. Nū, sta zenli "prūsai" kāigi wakkarabaltai, empīriniskai. Ast presna, kāi subbai prūsai ezze sen bilāi "pratennei" pa Pratennes refōrmin. Adder subbai "prūsai" (indoeurōpinai, kalbāntei baltiskai) stwi en Sembai jāu buwinna spārts ilgai. Niainunts ni waīda be ast tūlin hipōtezis. Mazzi būtwei tenēi pergūbi izrēizan pa laddans.

2010.08.10 17:23 TikrintunCitātun
peteris92	As ni bijja peisātun ezze Prūsan, adder kāi peisātun ka nika, turri di waīstun ka nika. Ik as ni waīda, as ni peisāi.

2010.08.11 12:09 TikrintunCitātun

Glabbis

Nū mazzingi mīritwei, kāi tū waīda, kaddan gīmuns ainuntkawīds zmūi iz Amērikan. Tū dīgi ni waīda stan, adder tū laukijja stan en tīnklu. Tīt mazīngi laukītun ezze ainuntkawīdans prūsiskans audāsenins. Adder kaddan as prasīwuns kasse paggan tū ni peisāi ezze Prūsans, tū mennei etrāi, kāi tū peisālai ezze swītan, adder kitāi peisāisei ezze prūsans. Tīt as ni papresta stan pawīstin kasse paggan tīt deznimai ast walnan per māldans zmūnins. As wiskwēi en Laītawai ebtikkuns stawīdan: kaddan as prasīwuns šlaitawīdans zmūnins ka tenēi mīri ezze prūsans anga ka nika kōnkretan ezze prūsans, ēst wisaddan maldāi zmūnei etrāi: -as ni turri kōmpetenciōnin ezze stan waiţātwei. anga -as ni asma specialīsts en stessei skrittei : )) mennei sta ast spārts smejjinan. As kirdīwuns stans subbans wīrdans jāu 100 rēizans anga tūls. Ni, sta ast ainuntkawīda nawwa pawīstis. Ānkstais zmūnei tīt ni etrāi. Mazzi būtwei ka nika psicholōgiskan. Be mennei ast interessanti paprestun stan.

2010.08.11 14:38 TikrintunCitātun
peteris92	Per men ast wālnai peisātun ezze swītan, beggi ezze kittans pawīstins iz swītan wiskwēi ast tūls informacionis. Ezze Prūsan - ni wisaddan.

2010.08.13 20:55 TikrintunCitātun

Nx

Eraīns kas waīda mazzi papilnintun artīkelins. Wisāi artīkelai mazzi būtwei papilnintan. Turrimai dwāi artīkelins ezze garrins, en wisēimans ast ezze tenēisan mitalōgiskan zentlisnan, turrimai artīkelin ezze Wilinnins. Ast sīmtan rēizan lānguis tulkautun artīkelin, nikāi peisātun ezze pagaūseņu artīkelin kawīds nikwēi dabber ni ast. Mes ni asmai ainuntai etnalōgai anga kultūralogai - ka mes peisāimai ezze prūsiskan kultūrin sta ast tēr widasnā stēisan zmūnin stesse praksin. As mazzi Tebbei eīskintun fenōmenan "As ni turri kōmpetenciōnins..." - aīnat deznimais widāi di wiskwēi idiōtans, kawīdai peisāi be bilāi ezze wissan, ni waīdantei ēst nika. En stawīdsei situaciōnin zmūnimans wālnai wangīntun diskusiōnin sen wīrdans "as ni turri kōmpeteciōnins" (arwiskai turīntei īr aūktaisins kōmpetenciōnins), kāi wangīnlai diskusiōnin sen gluppan pōlitikerin be ni būlai laikātan per stawīdan. Mes wisāi asa deznimai en mailin listimans entensītan en stawīdans diskusiōnins sen šlaitawīdans pōlitikerins be ukawālnan wangīntun stawīdans diskusiōnins sen wīrdans "as niturri kōmpetenciōnins sen tin waitjātwei". Be sta ast arwi, beggi ukadeznimai per stawīdans diskusiōnins prawerru turītun diplōman stesses psichiātrijan anga geriatrijan. Sta akīwistai ni turri sēisnan sen Wikipēdijas kōmpetenciōnins, tēr ēmpiriniskai eīskina fenōmenan.